top of page
  • SEN With You HK

有問題就唔可以生存?




投稿人:言

中文大學Year2學生


「或者,有躁鬱同阿氏保加症既我,先係最真實既我」


🔎你係邊類型嘅SEN學生?


我係Asperger's 同埋躁鬱嘅Sen學生,

正式確診時間係前年10月同上年上半年(Asperger's 中學個陣已經有人覺得我似係,

不過懶得去搵人幫我確診同埋確診都無意思:

因為中學青少年時期確診基本上無咩可以幫到我

e.g.社交訓練⋯⋯


🔎SEN成為困擾


Asperger's令到我無咩同理心,

淨係識顧及自己,唔理解人地感受

好多時候唔係好識讀空氣,

亦都好多時候做一d異於常人嘅事


以前同學想比意見我嘅時候都好固執話唔要

躁鬱方面其實係近兩年先確診 ,

不過抑鬱嘅心情其實由form3中三開始陪伴我,

其實我對人生無咩希望,

可能外加Asperger's帶黎嘅唔識照顧自己,

同埋無咩人生目標、人生計畫

(做好多野都得過且過,好多時候如果唔係有人比動力、motivation我,我都唔會主動做)


🔎 正常看待自己


對於SEN,因為我覺得我自己同正常人無咩分別

(比較輕微症狀)所以我當自己係正常人看待


轉變既話就係食藥,

同埋係有人同我講話我有自閉嘅時候,

發現自己的確好自我中心,於是我由唔顧及人地,

邊左站在自己角度睇人地感受,

雖然距離要真正顧及人地感受

(站在他人角度顧及他人感受即係同理心)都仲係好遠,

不過努力改善梗[不過其實我真係個d我就爛嘅人]

我覺得無咩所謂


🔎 致同樣有SEN的你


當自己係正常人,伴隨嘅抑鬱心情,

你可以擺係到唔處理,等到你想行返出黎先行都得,

甚至永遠唔行出黎都唔緊要,最緊要自己舒服


其實呢個世界無人係正常,大家都有問題

我唔鍾意講d positive嘅野,因為無呢個必要,

最緊要做自己,呢個世界無話有問題就唔可以生存,

甚至對我自己黎講,我覺得自己無病就唔係自己,

或者呢個病先令我做到自己


-

📪 SEN信箱-全港最大型SEN故事投稿平台


上線啦‼️‼️‼️


🗣不論你係⋯⋯

1. SEN患者

2. SEN孩子的父母

3. SEN導師

4. SEN患者的朋友

5. SEN患者的朋友的朋友

6. SEN患者的朋友的朋友的朋友⋯⋯


只要你的經歷與SEN有關/你對SEN有想法/你想對SEN患者說些話 💬

歡迎你在此投稿✍🏻

我們會將你的故事匿名分享 影響更多人🔔


「也許一段微弱話語,

亦能帶來莫大迴響」


-

如果你認同我哋嘅理念,又想為社會出一分力✨

歡迎加入我哋~義工申請表link in bio🔗


如果你有關於SEN嘅經歷,

如果你對SEN有想法,

歡迎到SEN信箱投稿!!link in bio🔗

-

▫️𝕎𝕖 𝔸𝕣𝕖 𝔸𝕝𝕝 ℕ𝕠𝕣𝕞𝕒𝕝, 𝕎𝕖 𝔸𝕣𝕖 𝔸𝕝𝕝 𝕊𝕡𝕖𝕔𝕚𝕒𝕝▫️

5 次查看0 則留言

Comments


bottom of page